Պրոսպան
Նկարագրություն`
Պրոսպանը օրիգինալ ստանդարտացված բաղեղի տերևների չոր հանուկ է EA 575®՝ նախատեսված մեծահասակների և երեխաների ցանկացած տեսակի հազի բուժման համար՝ ապացուցված և արագ էֆեկտով: Պրոսպանը ցուցաբերում է բրոնխոլիտիկ, խորխաբեր, հակաբորբոքիչ, հակահազային ազդեցություն: Դեղամիջոցը նպաստում է լորձի նոսրացմանը, շնչուղիներից նրա ակտիվ արտազատմանը և, որ շատ կարևոր է, բրոնխոսպազմի վերացմանը: Պրոսպանի արժանիքներին կարելի է վերագրել նաև բոլոր տարիքային խմբերում նրա կիրառման հնարավորությունը, սկսած 2 տարեկան երեխաներից, ինչպես նաև հաճելի համը և տարատեսակ դեղաձևերը՝ օշարակ, կաթիլներ:
Ցուցումներ՝
Շնչուղիների սուր և քրոնիկական բորբոքային հիվանդություններ, որոնք ուղեկցվում են հազով և խորխի արտադրությամբ։
Դեղամիջոցի ընդունումը`
Փոքր երեխաների (1-6 տարեկան) չափաբաժինը կազմում է 2,5 մլ օրական 3 անգամ:
Դպրոցական տարիքի երեխաների և դեռահասների չափաբաժինը՝ 5 մլ օրական 3 անգամ։
Մեծահասակների չափաբաժինը՝ 5-7,5 մլ օրական 3 անգամ։
Բուժման ընթացքը որոշվում է ըստ հիվանդության ծանրության, բուժման նվազագույն կուրսը պետք է կազմի 1 շաբաթ։
Թերապևտիկ ազդեցությունը պահպանելու համար խորհուրդ է տրվում շարունակել բուժումը հիվանդության ախտանիշների անհետացումից հետո ևս 2-3 օր:
Եթե վիճակի բարելավում չկա, խորհրդակցե՛ք բժշկի հետ: